ابكى يا مصر ابكى يا مصر وخلى النيل يبكى من جواه
ابكى يا مصر على الشهيد واسمعى نداه
****
ابكى يا مصر من جوة قلبك واصرخى
ابكى يا مصر وقولى لا وما تخلى حبلك يرتخى
****
ابكى يا مصر واصرخى على الشهيد
ابكى يا مصر دة يوم اسقاط النظام دة يوم عيد
****
ابكى يا مصر واحنا هنبكى وراكى
دة صوت الشهيد بيبكى ويلبى نداكى
****
ابكى يا مصر على اللى ظلموكى واغتصبوكى
ابكى يا مصر على اللى قتلوا ولادك وعموكى
****
ابكى يا مصر واصرخى وقولى مليون اه
ابكى لرحيل الكلاب وكل خاين وراه
****
ابكى يا مصر واحنا بقلوبنا هنبكى معاكى
ابكى على اللى اغتصبوا عذريتك ومسمعناش نداكى
****
ابكى يا مصر ودموعك ماشية فى شريان النيل
ابكى ودموع البكا جاية جيل ورا جيل
****
ابكى يا مصر على لسانى اللى قطعوه لاجل الكلام
ابكى يا مصر دة انتى الحرب وانتى السلام
ابكى يا مصر
لكل شهيد وكل من كافح وناضل من اجل مصر كلمات عزيزة كتبتها من دموع قلبى وكل دمعة رايتها تسيل من كل حزينة لاجل ابنائها واتمنى وارجو من كل مصر ان يبدأ عالم مصرى وحضارة مصرية جديدة ليس فقط فى النهضة بامة مصر بل بمعاملتنا لبعضنا البعض