*متخافيش*

 متخافيش

متخافيش من بعدنا البعد مش هيطول

 انا مهما ابعد واسافر هرجع لحضنك من الاول
***************

 متخلنيش اشوف فى عيونك دمعة تحرق قلبى وانا مسافر

 انا زى الطير وانتى العش مسيرى ارجع مهما ابعد او اهاجر

***************

 اوعى فى يوم تنسى غرامنا وحبنا وكلام الليالى

 انا قولتلك بحبك وعلى حبنا مش هقدر استغنى ولا حتى فى بالى

***************

 انا معاكى حسيت بنبض الحياة الجميلة

 من لمسة ايدك وهمسة شفايفك ونظرة عنيكى الدنيا بتحلو فى عينى كل ليلة

***************

 متخافيش على قلبى انه يهوى غيرك ولا ينساكى

 مقدرش حتى انساكى وانتى معايا حتى لو انساكى

***************

 احلى ما فى النسيان نورك فى لمعة عنيا وقت الدموع

 واحلى ما فى قلبك انه مواعدنى فى ليلة مطر وقت الرجوع

***************

 واجرى عليكى واترمى فى حضنك واقولك وحشتينى

 وان مكانش بينا فى يوم لؤى اوعى يا نور قلبى تنسينى

***************

 انا قلبى نطقها رغم كل الظروف وقالك بحبك

 ومهما ابعد واغيب واكبر واشيب انا بردو بحبك

***************

 وان انكتب علينا دمعة تحرق الجوابات

 هتعلم الكتابة من الاول واشتاق لليل وقرب المسافات

***************

 متخافيش لو محكمش النصيب انه يكونلى عمر من تانى

 وابقى عاتبى الدنيا واشكيلها وقوليلها على فين من غيره واخدانى

***************

 وان جم قالولك فى يوم انه نسيكى متصدقيش

ومتخافيش مهما قالك الشيطان انه نسيكى ومرجعلكيش

***************

 متخافيش من بعدنا البعد مش هيطول

 انا مهما ابعد واسافر هرجع لحضنك من الاول

* كنت بحلــم *

كنت بحلم
زمان انا كنت بحلم ببيت صغير يضمنى
وواحدة احبها وتحبنى
**********
يحلو اسمى فى نداها
ووقت ما اصحى هى اول حد القاها
**********
كنت كل يوم الصبح افتح عنيا على نور الشمس
الاقيها بتسرح شعرها فى السما وبتقولى بحبك بهمس
********
ويوم ما لاقيتها ادام عنيا جريت عليها
ولمست ايديها دمعت عنيا
********
ودق قلبى وصرخ مليون اه
اتمنيتها تعيش حتة من قلبى وجواه
*********
وفى يوم فتحت عنيا مالقيتهاش حواليا
نزلت دموعى تحرق ضلوعى وتدور عليها
**********
ونطق لسانى ونده عليها ارجعى ليا
ارجعى لحضنى وقلبى وعنيا
***********

انا قلبى بقة من طين وقش وعضمى بقة هش
بس الجبل لو هزو ريح بردك جبل
*******
بس لحد امتة هفضل فى قوة الجبل ولا اتهدش
يزيد قلبى نار جوة صدرى فى صورة شوق ولا بعدتش
*********
وان رجع بيا الزمان بردو هحلم بيكى واحلم ببيت صغير يضمنى
واقول اهى حبيبتى معايا بحبها وتحبنى

* قلبى تعب *

قلبى تعب من كتر الجراح ولحد امتة هعيش سوا ح

لا انا فاضى اداوى جروح ولا قادر اسيب قلبى مفتوح

حبيبتى كانت تهدينى كل يوم امل فى بكرة

لو كانت تعمينى الدنيا عن الاحوال بهمستها تهدينى الفكرة

ياما اتحملت من جرحى وقساوتى حمل جبال

الصبر منى ماطاقشى احمال وهى تتحمل

****************

كانت بترمى فى طريقى اجمل بساتينها

ان قلت يوم اه تقول قبل منى الاه وعنيا شايفينها

ازاى بتتحمل ابتسامتها فرحتنى وزحزحتنى ومرجحتنى

حتى ان نسيتها يوم قامت فى عز الليل وافتكرتنى

ياما سكنتنى ضلوعها وان هجرت احضانها

تنادينى دموعها ازاى بتتحمل وانا قلبى ما اتحملها

***************

انا مش خايف انها تكون لغيرى او يسكن عشها طير غيرى

انا خايف انى اللى ما بينا يكون بينها وبين غيرى

ازاى هقدر اتحمل قولت عنيا راحت وهى بقت دليلى

ان قولت يوم انام بقت هى نهارى وليلى

ازاى هقدر اشوفها من تانى ياترى لو شوفتها هتبقة فكرانى

هلاقى فى عنيها نفس الشوقة واللهفة

يارب صبرنى وع الفراق قدرنى انى انساها

بس كيف هقدر انساها دة حتى النسيان ميقدرش ينساها

**********************

قلبى تعب من قولة اه ومين يداوى جرحى وينسينى هواها

وازاى هقدر اعيش او حتى يوم انساها

طب قوليلى لو قلبى سأل عليكى هقوله اية راحت فين

لو عنيا حبت تبكى من الفرحة وانا رايح اشوفك هقولها راحت فين

********************

لن اقول سوى ان حبيبتى كانت منة من الله تمنيتها وارتعش قلبى لحبها

فهى سحر تمدد بين ضلعيى وبات يأن على قصور قلبى وينادى

عودى علنى اعقل عودى علنى ارى النور من جديد

*اخر قصيده اكتبهالك*

(اخر قصيده اكتبهالك)




كرهـتك قد ما ضحكتى على شقايا

كرهــتك قد ما امى تحب رؤيـايـا و قد رعشة ايدى وانا بكتب أول قصيده أكتبهالك

وآخر قصيده أكتبهالك و آخر قصه فى كتابك

و آخر كلب فى كلابك و آخر طيف يبات الليل على بابك


دا انا اللى كسّرت السهرو رَقَصْت ويا الليل و رَقَّصت القمر


أنا اللى فَضّيت بِكر نجمه فى السما


بَكّيت نجوم و طلقت ايدى فى صدر نسمه اتلخبطت بين الغيوم


أنا محمد و سامعه عنى و عارفه انى كل يوم كنت قبلك ويا واحده


و يمكن ويا اتنين فى يوم تكسرينى؟! ...


لا يا عينى دة انتى واحده من ألوف


و ياما وانا عايش هشوف انتى مجموعة قصايد بالمحبه بتبتدى


وهى دى آخر قصيده أكتبهالك و كان بودى اسمعهالك


نبرة الحزن فى كلامى مش ندم ما أنا خدت منك كل حاجه وسبتلك حبة ألم


أنا خدت منك كل شئ و فضلت قدامك برئ


كل ما فى الأمر إنى لسه ماشبعتش خيانه تعرفى يا نانا الخيانه؟


مش خيانه تحبى غيرى .. يا خى حبى غيرى


همشى مع واحده تشوفيها و زى ما هغير انتى غيرى مش خيانه


بس تبقى خيانه عظمى يوم ما يبقى الحب كلمه


يوم ما تبقِى مالبدايه حاطه للقصه نهايه


يا ترى لساكى فاكره؟فاكره يوم ما رميتى قلبى بنظرتك قلبى اتجرح؟


كان فرح أنا لسه فاكر.. كان فرح كانت الرقاصه بتزِفّلِى حُبك


قلت احبك يمكن الحب يداوينى وادى ادينى


بكره اليوم اللى شفتك بكره الشارع بكره الليل اللى ضمك


بكره القمره اللى بتفكرنى بيكى و بكره اسمى اكمنه اسمك


بكره انى ابتسم حتى اترسم حتى اتدفن


بكره البحر اللى زغزغ صدرك السقعان فى حضنه جيتى حضنى


حتى حضنى بكرهه لما اتّسعلك بكره الشعر اللى خللانى ابقى نعلك


بكره القلب اللى سابلك صولجانه و بكرهكوا


واللى زانك طول سنين جه الليلادى و شوهك


لا انتى ناعسه ولا انتى عبله ولا انتى شملوله الخجوله


اتكسر جوايه صوتك واتكسر جواكى عمر


بس عمرك هو عمرى


كان بودى أسيب فى قلبك ميت أتون من طين و جمر


بس قلبك هو شعرى بكرهك... ياللى ابتسامتك فرحتنى و مرجحتنى و زحزحتنى


*****************


و كبرت...الله اكبر من كلامك من غرامك من عينيكى السودا ليل


قلبك المكسور بيعلن لانتصارى ميت دليل


و انتصارى مال على ودانى وهمسلى


قاللى "أوزوَلد" البرئ ما بقاش برئ قاللى إن "سيزيف" دا زيف


و ان قولة آه بتطلع م الصعايده فين و فين


قاللى أنساكى فى مساكى و اما اشوف قلبك عساكى تفوقى من وجع البنات


قالى بالرغم انه عارف انى حبيتك.. هجيتك


و انه شافك كاتبه اسمى بخط نونو تحت بيتك


قاللى شافك عالمرايه بتكشفى صدرك لصدرى قاللى صبرك.. يا دى صبرى


اياك فاكرنى من حجراللى قاسَى فى حب نانا لو حجر...كان انفجر


كنا زى اتنين فى صحرا ما فى ناس ما فى عيب مافى خوف ما فى بكره


كنا خيل وليل و مهره كنا سكر و كنا فجر و كنا سهره


كنا نتواعد بكلمه و كنا نتصالح بنظره


كنا لما تسافرى أو اسافر يصير الليل مالوش آخر


أكن عيونك النعسانه تجافينى


أكلم نفسى طول الليل و أقول فينك


و كان قلبى بوسع البحر..لملم موجُه فى سفينك


و نفس البحر دلوقتى لعنلك ميت سلسفينك


لا عاد موجه بيهواكى و حتى نجومه فى سماكى رموكى بعد ما رماكى و كانوا فى ليلة تفينك


****************


..و كانو يناموا فوق مريلتك الكحلى ينقولك هدومك يوم ما نكون هنتقابل


أنا و نانا فى طول أيامنا ما كنا بنتقابل ما كل الناس هتتقابل


احنا كنا..احنا كنا..والله ناسى كيف ما كنا بس كنا


يمكن الحلم اتقتل بس الجبل لو هده ريح أو حتى مال برضك جبل


و انا مش جبل من طين وقش ولا عضمى هش


إن كان على القلب اللى حبك آخره نعش و انصِبله بدل الخمسه ألف و يبقى مات ولا اتخدعش


كنت كيف السبيه بيا و كنت ليكى عبد طايع


صرت ورقه و حبر ضايع


وقت فات ولا جابش عايد


مش بقولك..انتى مجموعة قصايد لمى ورقاتك خلاص الحبر جف


و احكى للجيل اللى طالع بكره يضحك


قولى لابنك فيه زمان واد عقله خف اوعَى لتصيدك بِنَيّه و زى فرحه يولّى فرحَك


شيلى عمرك باللى فيه خدت منك كام قصيده سامحى فيهم حق كُرسيين معسل مش حكايه


خدت من عمرك بُكايا و ابتسامتى سيبتهالك


يكفى إنى لسه مالك نفسى و بخبى البُكا شوفى شاعر غيرى يوصفلك جمالك


أما عالقلم اللى فى ايدى شاريه من دكان صعيدى


راسه ألفين دومه نَيّه لانسى حبك من أساسه


عشتى طبعا فى الصعيد و عرفتى ناسه


يبقى أسهل شى عليا أنسى حبك و انسى حالك


وانى اقول عالقصيده دياآخر قصيده أكتبهالك

* منة من الله*

*منة من الله*

هى منة من الله تمنيتها .... وارجو من الله ان يجعلنى زوجها

لها بريق النجوم فى الليل .... لها جمال الريح فى عدو الخيل

لها دفء الشمس وسحر القمر ... لها جمال السماء لحظة المطر

*************

فى عينيها العفو والغفران وفى يديها لمسة امل وحنان, ان ضاقت الدنيا بى بين احضانها لا اعرف للنسيان مكان ,كم كنت قاسيا عليها ولكن كانت دوما تغفر لى علقت فى سقفى جميع النساء وهى لم تشعر يوما باستياء, كم جئت اليها وانا ثملا لا اعرف الى من اتحدث وهى دوما تاخذ بيدى الى حضنها المخمل , كنت دوما اقف بشرفتى ليلا اتحدث للريح وانتظره لاننى اعلم انه قادم من نحوها , كنت اسأل القمر دوما هل هى تفكر فى , هل تشعر بى , ولكن كان يعاتبنى قلبى ويقول لى بقدر ما اخفق من خفقات وبقدر ماتتنفس من انفاس تذكر اسمك بقول احبك , كنت يوما جوالا من هنا الى

هناك واختلطت الطرق من حولى ولا اعرف لى سكن ولا عنوان حتى التقيت بامرأة كنت دوما احلم بها اتخذت بيدى

وجعلت منى انسان له هوية له كيان له كبرياء جعلتنى اميراً على عرشها وملكاً على قلبها ولا أجد سوى كلمة احبك اهديها لها ارتعد قلبى وانا أرددها فضمتنى وكلما ضمتنى زدت صراخا وارتاحت لضلوعى ضماتها , حينما كانت تجرح قلبى كان يحلو لقلبى التأوه ان كانت مسرورة رقصت فرحا وانشدت وغردت , ان كانت حزينة يوما ذرفت عيونى دما لم تذرفه من قبل حزنا لحزنها , فختاما وليس فى حبك الى يوم قيامتى ختام شكرا ثم شكرا ثم شكرا للقصيدة التى وهبتها الى منة من الله تمنيتها ان اكون يوما عاشقاً بين احضانها